اسمى ميادة عصام الدين, طبيبة . ربنا رزقنى بابنى آدم من سنة و شهرين تقريبا ومن ساعتها حياتى اتبدلت تماما وبقى آدم هو محور اهتمامى وكل قرائاتى أصبحت عن الاطفال والتربية وخلافه.
انا باعترف انى كان عندى نقص جامد فى المعلومات و التاهيل النفسى قبل الولادة. فيه حاجات كتير معرفتهاش غير بعد ما قابلتنى مشكلة و اعدت ادور ازاى احلها و كانت هتبقى حياتى اسهل كتير لو كنت لقيت حد يفهمهالى قبل ولادة آدم.
و لما ابتديت اقرأ واتعلم, لقيت عالم جميل اتفتح قدامى و مكنتش اعرف عنه حاجة و لا كان من ضمن اهتماماتى مطلقا و دلوقتى بقى هو شغفى الاول, عالم الامومة و التربية.
ايه الى بيخلى ام تفرق عن ام؟ و ازاى اكون الام المثالية الى يستحقها ابنى؟ و ازاى استفيد من الابحاث العلمية و نتايجها فى تربية ابنى؟
و دة الى خلانى اعمل المدونة. اولاعشان اوثق رحلتى مع آدم و كل الى اتعلمته فيها و يمكن اقدر افيد غيرى كمان.
دمتم فى امان الله
|
الأحد، 26 يوليو 2015
ليه عملت المدونة؟
الاشتراك في:
تعليقات الرسالة (Atom)
ما شاء الله...
ردحذفاللهم بارك في ادم و أم ادم...
ربنا يحفظه و ينبته نباتاص حسناص و يجعله ذرية صالحة.
ربنا يوفقك في عملك في المدونة و يجعله في ميزان حسناتك.
ربنا يكرمك حبيبتى ويوفقك فى مدونتك الجميلة :))
حذف